Matapos ang halos tatlong buwan, ngayon na lang po ako ulit nakapag-post sa aking WordPress. Faced with a lot of concerns coming in from every direction, ngayon lang nagkaroon ng puwang na makapag-login muli sa blog. Sa aking pagbubusisi napansin kong umabot pa ng tatlong libo ang views kahit ang huli kong post ay Enero 6 pa. Naku, maraming salamat sa mga sumusubaybay.
Tingin ko ang blogger ay parang curator (diba Renan?). Pinili mo na kasi ang tema at ang gusto mo din lang ilagay ay kung ano ang swak sa tema mo. Dati mas parang Facebook wall, pero parang mas nakakatuwa at mas madali na magsulat sa wall kesa sa blog. Actually sa sobrang flexibility ng mga blogging platforms ay uubra din itong website ng inyong organisasyon or serbisyo.
Pero paano mo man gamitin, iisa ang tiyak. Nagsusulat ka sa iyong blog dahil may gusto kang iparating. At sa blog na ito, sa kabila ng sandamakmak na mga personal na kwento ay ang pagsisikap na makapagbahagi ng bago at kayo’y hikayating sumama sa pagbabago.
